Los Angelesta Oscar kiçäse

88nçe Oscar büläkläre iyälärenä tapşırılğan.

Amerika Quşma Ştatlarınıñ Los Angeles şähärendä oyıştırılğan Oscar bülägen tapşıru kiçäsendä “İñ yaxşı film" bülägen “Spotlight", yägni “Projektor" isemle film qazanğan.

Çarada Meksikalı rejisser Alejandro Gonzales İnarritu “İñ yaxşı rejisser" bülägen alğan.

“Revenant", yägni “Canlanu" filmındağı role belän “İñ yaxşı ir-at uyınçı" bülägen alğan Leonardo DiCaprio berençe Oscar bülägen qazanğan.

“İñ yaxşı çit il filmı" kategoriyasendä Frantsiya isemennän Oscar namzäte bulıp kürsätelgän törek rejisser Deniz Gazme Ergüvenneñ Törkiyäneñ Kastamonu şähärendä töşergän “Mustang" isemle filmı isä büläk ala almağan. Bu kategoriyadä büläkne Vengriyadän “Son of soul" filmı qazanğan.

“İñ yaxşı xatın-qız uyınçı" bülägenä “Room", yägni “Bülmä" filmındağı role belän Brie Larson layıq bulğan.

“İñ yaxşı dokumental' film" büläge yäşli ğomere özelgän sälätle muzıkant Amy Winehousenıñ tormışın añlatuçı “Amy" filmına birelgän.