Törek uqıtuçısı – dönyanıñ iñ yaxşı uqıtuçıları arasında

Törkiyäneñ Samsun vilayätendäge Çarşamba ilçäsendäge Kumköy başlanğıç mäktäp uqıtuçısı Diläk Livanäli “Varkey Gems waqıfı dönyaküläm uqıtuçı büläge komitetı” saylap alğan “dönyada iñ yaxşı 50 uqıtuçı” arasında urın aldı.

Çarşamba rayon başlığı Canär Yıldız belän küreşkän Livanäli şäxsi möräcäğäte näticäsendä bäyäläwgä alınuın äytte.

Uñışı uñayınnan Livanäline täbrikläwçe Yıldız Livanälineñ çığışı belän hind bulğan eşmäkär Sunny Varkeyneñ mäğarif ölkäsendä proyektlar qamilläşterü maqsatınnan çığıp tözegän häm maqtawlı räis wazıyfasın Amerika Quşma Ştatlarınıñ elekke İlbaşı Bill Klinton üz östenä alğan “Varkey Gems” waqıfı oyıştırğan “Dönyakülam uqıtuçı büläge komitetı”nıñ saylap alğan iñ yaxşı 50 uqıtuçı arasında urın aluın belderde.

Livanälineñ 5 meñ uqıtuçı arasında bäyälänelüen häm 50 keşelek final törkemenä kerüen assızıqlawçı Yıldız: "Bäygeneñ 1 million dollar büläge bar, ämma biredä möhim bulğanı – uqıtuçıbıznıñ başqa uqıtuçılarğa ürnäk buluı häm nilär başqarıla alınaçağın kürsätep, añlap töşenep citkerüne buldıru”, - dip äytte.