Urta Aziyadan Balkanğa muzıka küpere

Törle illärdän 5nçe Xalıqara törekçä muzıka festivale “Törekçävizion” 10-13nçe sentyabr könnärendä Denizli şähärendä uzaçaq.22 sänğatçe törek telendä cırlayaçaq.

3 kön baraçaq festival TRT Muzıka häm TRT Awaz kanalları aşa 8 ilgä turıdan-turı tapşırılaçaq.

Törkiyäne festivaldä Rafät Äl Roman wäkillek itäçäk.

İqtisad ministrı Nihat Zäybäkçi Denizlidä oyıştırılğan matbuğat oçraşuında festivalneň Törkiyäneň tanıtıluı öçen zur ähämiyätkä iyä buluın äytte.

Zäybäkçi festivalneň ozın yıllar däwam itüen teläwlären belderde.

Törkiyä teleradiokompaniyase ğomüm mödire İbrahim Şahin 2015nçe yılda da Yevrovideniye cır bäygesendä qatnaşmayaçaqların açıqladı.

Şahin tübändägeçä däwam itterde: “Awrupa media berlege başlığı belän ğomüm mödire kilep, ğafu ütendelär. Bez isä üzgärergä tiyeşle xökem häm şartlarnı üzgärtmägännäre öçen 2015 Yevrovideniye cır bäygesendä TRT bularaq qatnaşmayaçaqbız.”

İbrahim Şahin TRTnıň bıyıl berençe tapqır Manga törkeme belän Aziya-Tın Okean media berlege muzıka bäygesendä qatnaşaçağın äytte.

Şahin Aziya-Tın Okean media berlege ğomüm şurasınıň 2015nçe yılda İstanbulda uzaçağın belderde.