Antaliyada Qom häykäle festivale
Festival qısalarında kiläse yıl dönyanıñ iñ zur qom häykäle yasalaçaq
8nçese oyıştırılğan Qom häykäle festivale däwam itä.
Skulptorlarnıñ 25 kön buyı 10 meñ tonna qom qullanıp, yasağan häm aralarında Hun imperatorı Attila, Kartacalı gannibal, Viking patşası Odin, Xalit bin Wälit, arıslan yöräkle Richard häm Säläxätdin Äyyübi kebek tarixta üz ezen qaldırğan şäxeslär häm Qıya gömbäze mäçete belän Tac Maxal kebek tarixi qorılmalar da urın alğan 100dän artıq häykälgä cirle häm çit il turistlar zur qızıqsınu kürsätä.
Festival qısalarında kiläse yıl biyeklege, kim digändä, 23,5 metr buluı planlanğan dönyanıñ iñ zur qom häykäle yasalaçaq.
Festival mödire Cem Karaca kiläse sezon temasınıñ älegä bilgele bulmawın assızıqlap, tübändägeçä belderde: “Festival wäkillege bularaq Antaliya häm Törkiyäne dönyanıñ iñ küp satıluçı häm uqıluçı kitabı Guinness rekordlar kitabına kertergä uyladıq. Monıñ öçen Guinness üzäge belän elemtä qordıq. Häykälne 10 skulptor häm 20 texnik xezmätkärdän toruçı 30 keşelek törkem yasayaçaq. Dönyanıñ iñ zur qomnan häykälen monda yasap, Antaliya häm Törkiyäneñ isemen bar dönyağa tanıtırğa uylıybız,” – dide.
