İstanbulda Srebrenitza häykäle

Srebrenitza küpläp üterüendä şähit bulğan meñnärçä bosniyalınıñ istälegenä İstanbulda salınğan “Şähitlär häykäle” açıldı.

Srebrenitsa küpläp üterüeneñ 19 yıllığı mönäsäbäte belän salınğan “Şähitlär häykäle”n açu cıyınında Bosniya-Hersegovinanıñ İstanbul baş konsulı Hrvoje Kanta Törkiyä häm İstanbuldağı Bayrampaşa rayon xakimiyäte kürsätkän sizgerlek häm şähitlär häykäle öçen räxmätlären citkerde.

Bayrampaşa rayon xakimiyäte başlığı Atila Aydınär dä, Srebrenitsa küpläp üterüe yasalğan töbäktä küp sanda törek watandaşınıñ tuğannarınıñ buluın belderep, häykälneñ bosniyäle häm alban qärdäşlärebezneñ istälegenä salınuın äytte.

Häykäldä Törkiyä ay-yoldız, Albaniya ike başlı börket häm Bosniya-Hersegovina zämbäq figurası belän simvolaştırılğan.