Ukraina suğışındağı soňğı wӓzğıyӓt’

         Rusiyӓneň Ukrainanı yawlap alu suğışı yaqınça 2 ay dӓwam itӓ, suğış qırında isӓ citdi uňışsızlıq bar. Putin bik zur maqsatlar belӓn başlağan suğışta Rusiyӓgӓ Kiyev frontıınnan tulısınça çigenergӓ turı kilde. Suğış ayıruça Donbass töbӓgendӓ hӓm Mariupol’da bara. Lӓkin Rusiya zur xӓrbi yuğaltular kiçerӓ. Rusiyӓgä qarata xalıqara izolyaśiya hӓm sankśiyӓlӓr dӓwam itӓ. Bigrӓk tӓ Buça kebek töbӓklӓrdӓge waqıyğalar da xalıqara açu - yarsu barlıqqa kiterde.

Rusiya dӓwlӓt başlığı Vladimir Putin zur hӓm dӓğ’walı maqsatlar belӓn Ukrainanı yawlap alıp qısqa waqıt êçendӓ üzenӓ yaqın xakimiyӓtne citӓkçelekkӓ kiterӓ alaçağın uyladı. Lӓkin Rusiya armiyӓse Ukrainada çın mӓğ’nӓsendӓ batqan kebek kürenӓ. Armiya Kiyev frontınnan ӓyterseňlӓ qaçqan kebek kitӓrgӓ mӓcbür buldı. Xӓzer östӓmӓ köçlӓr belӓn bergӓ Donbass tirӓsendӓ Ukraina armiyӓse belӓn suğışalar. Mariupol’da da toraq cirlӓrdӓge bӓreleşlӓr dӓwam itӓ. Rusiya armiyӓse, berençe çordağı kebek bulmasa da,  haman da awır yuğaltular kiçerӓ. Kiyev frontındağı ciňü belӓn kӓyefe kütӓrelgӓn Ukraina armiyӓse isӓ xӓzer Donbassnı yaqlarğa hӓm saqlarğa tırışa.

Könbatış illӓreneň Ukrainağa xӓrbi hӓm iq’tisadi yӓrdӓme könnӓn kön artıp dӓwam itӓ. Asimmetrik köç êlementları bulğan MANPAD hӓm tankka qarşı qorallar küçerü dӓwam itkӓndӓ Slovakiyanıň S - 300 yuğarı biyeklegtӓge hawa saqlanu sistemaları da Ukrainağa küçerelde. Tağın da köçle qoral sistemaları cibӓrelӓçӓk digӓn dӓlillӓr bar.

Suğış qırında bolar bulıp betkӓndӓ Buçadağı küreneşlӓr dön’yanı tetrӓtte. Yaqınça 34 kön Rusiya yawı astında qalğan töbӓktӓ küplӓp üterü buldı. Küplӓp üterü hӓm qaberlӓr açıqlanğanda , xatın - qızlarnıň köçlӓwgӓ duçar buluları turındağı süzlӓre çınnan da qurqınıç. Buçadağı küreneşlӓr xalıqara cӓmӓğӓt’çelekneň bu ğadelsez, xaqsız Rusiya yawlap aluına açuın tağın da arttırdı.

Rusiyӓgӓ qarata xalıqara izolyaśiya hӓm sankśiyӓlӓr arta barğan sayın Putinnıň yawlap aluda qatğıy rӓweştӓ üzeneken itüe üz  xakimiyӓten dӓ, üz ilen dӓ tupikka taba alıp bara.

Avtor: Can Acun

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese