Törkiyäneñ Pençe xäräkätläre

Törkiyäneñ PKK terror oyışması belän köräşe täwäkkällek belän däwam itkändä Milli saqlanu ministrlığı Ğıyraqnıñ tön’yağında Pençe Şimşek häm Pençe Yıldırım xäräkätläreneñ başlatıluın açıqladı. Monnan alda da yaz häm cäy ayları belän bergä Törkiyäneñ ayıruça Ğıyraqta zur operaŝiyalär oyıştıraçağı kötelä ide.

Törkiyä PKK terrorçılığına qarşı köräşne ildä bulsın çik ar’yağında bulsın Ğıyraq häm Süriyä kebek oyışma urnaşqan töbäklärdä täwäkkällek belän däwam itterä. Terror oyışmasına qarşı agressiv köräş strategiyaseneñ soñğı yıllarda citdi näticä birüen dä küräbez. Oyışmanıñ Törkiyä êçendä höcüm oyıştıru öçen qulı bäylände, cirleklärdäge terrorçı sanı da 300dän äz.

Läkin Törkiyäneñ PKK terror oyışması belän töp köräşe Ğıyraq-Süriyä küçärendä däwam itä. Törkiyäneñ bu töbäklärdäge strategiyase başta terror oyışmasın Törkiyä çigennän çigenderü, mäydandağı xaqimlegen häm kontrolen beterü häm Ğıyraq-Süriyä liniyasendäge êlemtäsen bötenläy özep, izolyaŝiyaläwgä tayana. Bu bäyläneştä Törek qorallı köçläre Ğıyraqnıñ tön’yağında Metina, Avaşin-Basyan töbäklärenä yaña xärbi xäräkät başlattı. Pençe Şimşek häm Yıldırım dip ataluçı operaŝiyalär bäyläneşendä Törkiyä PKK terror oyışmasın Ğıyraqnıñ tön’yağındağı tawlı urınnardan bötenläy çistartırğa teli. Hawa häm cir öste köçläre ber ük waqıtta qullanılğan xäräkätlärdä şulay uq strategik qalqulıqlarğa maxsus törkemnär häm berleklär töşerelde. Törek qorallı köçläreneñ biredäge strategik qalqulıqlarnı kontrol’ astına alıp, soñınnan bazalar qoraçağın küzallıy alabız.

Şul räweşle Törkiyä çik buyında iminlek urnaştırılaçaq häm oyışmanıñ töbäktäge belem birü urınnarı belän kontrol’ üzäkläre yuqqa çığarılaçaq. Xäzergä qadär töbäktä PKK terrorçıları citdi qarşılıq kürsätä almadı. Oyışmanıñ töbäktäge saqlanu liniyaläre zur ülçämdä yuqqa çığarıldı, 60 tiräse terrorçı da täêsirsez xälgä kiterelde.

Törek qorallı köçläre bu töbäklärdä kontrol’ urnaştırğannan soñ 2021 yıl däwamında kön’yaqtağı Gare töbäge häm Kandilgä taba zur xärbi operaŝiyaneñ başqarılaçağın da küzallıy alabız. Yänä Ğıyraqta Sincar töbägendäge täraqqıyät’lär Törkiyä radarında qala biräçäk. Ägär dä bu töbäktä monnan alda Bagdat-Êrbil arasında tözelgän kileşü belän PKK terror oyışması bötenläy çiştartılmasa, Törek qorallı köçläreneñ Sincarnı da maqsat itep aluı ixtimal.

Can Acun

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese