Törkiyäneñ êksportı arta

Törkiyä êksportı mart ayında 22 milliard 578 million dollar buldı.

Bu iñ yuğarı 3nçe mart ayı kürsätkeçe bularaq tarixka kerde.

Yılnıñ berençe kvartalında 57 vilayät’tä êksport arttı.

Säwdä ministrlığı vilayät’ bazasında êksport kürsätkeçlären açıqladı.

Vilayät’lär arasında êksport çempionı yänä İstanbul buldı.

Megapolis 4 milliard 410 million dollarlık çitkä satu belän berençe urınnı aldı.

İstanbuldan soñ 3 milliard 40 million dollar belän Kocaäli kilä. İzmirdän 2 milliard 255 million dollar, Bursadan da 1 milliard 636 million dollarlık êksport başqarıldı.

Başqala Änkaranıñ êksportı isä 1 milliard 25 million dollar buldı.

Êksportta iñ küp artış Çorumda çınğa aştı. Çorum vilayäte martta uzğan yılnıñ şul uq ayına kürä 187 million dollar belän êksportı iñ küp artqan vilayät’ buldı.

Säwdä ministrlığı êksportnı arttıru öçen êşçänleklärneñ täwäkkällek belän däwam itüen belderde.