Söläyman balığı êksportı artqan

 Törkiyäneñ Könçığış Qara diñgez töbäge ağımdağı yılnıñ ğıynwar-fevral’ aylarında 11 ilgä söläyman balığı sattı.

Könçığış Qara diňgez êksportçıları assośiyaśiyäseneñ idarä şurası başlıq urınbasarı Äxmät Xamdi Gürdoğan beldergänçä, älege çorda 11 ilgä 3 meň 778 tonna söläyman balığı cibärelde häm älege êksport il iq’tisadına 19 million 45 meň 787 dollar tabış kiterde.

Bu isä uzğan yılnıñ şul uq çorı belän çağıştırğanda miq’dar yağınnan 74%qa, qıymmät yağınnan 24%qa kübräk.

Gürdoğan bilgeläp uzğança, söläyman balığın iň küp satıp aluçı il – Rusiya. Rusiyägä ike ayda 11 million 41 meñ 202 dollar külämendä balıq cibärelde.

İkençe urında 5 million 201 meñ 837 dollarlıq balıq satıp alğan V’yetnam, öçençe urında 2 million 51 meñ 191 dollarlıq balıq êksportlanğan Yaponiya tora.

Äxmät Xamdi Gürdoğan Könçığış Qara diñgez töbägennän Belarus’, Kanada, Qıtay, Gruziya, Germaniya, Filipin, Franśiya häm Tailandqa da êksport başqarıluın belderde.