Törkiyäneñ êksportı arttı

Törkiyäneñ êksportı ğıynwarda uzğan yılnıñ şul uq ayına kürä 3,5%ka artıp, 19 milliard 991 million dollar, importı 22%ka kimep, 26 milliard 218 million dollar buldı.

Törkiyä statistika oyışması häm Säwdä ministrlığı xezmättäşlegendä äzerlängän häm ğıynwar ayına qarağan waqıtlıça tışqı säwdä mäğlümatları açıqlandı.

Moña kürä Ğomum säwdä sisteması qısalarına êksport ğıynwar ayında uzğan yılnıñ şul uq ayı belän çağıştırğanda 3,5%ka artıp, 19 milliard 991 million dollar, importı 22%ka kimep, 26 milliard 218 million dollar buldı.

Tışqı säwdä defiśitı ğıynwarda 2023neñ ğıynwarına kürä 56,4%ka kimep, 6 milliard 227 million dollarğa tübänäyde.

Ğıynwar êksportında berençe urınnı 1 milliard 762 million dollar belän Germaniya aldı.

Uzğan ayda berençe 5 ilgä başqarılğan êksport tuplam êksportnıñ 30,5%ın täşkil itte.

Ğıynwarda importta isä berençe urında Rusiyä buldı.

Rusiyädän çınğa aşırılğan importnıñ küläme 4 milliard 324 million dollar ide.

Bu ildän soñ 2 milliard 893 million dollar belän Qıtay, 1 milliard 918 million dollar belän Germaniya, 1 milliard 402 million dollar belän Amerika Quşma Ştatları häm 1 milliard 187 million dollar belän İtaliya kilde.

Berençe 5 ildän başqarılğan import tuplam importnıñ 44,7%ın täşkil itte.