Bayraktar - Cabbarov oçraşuı

Törkiyä ênergetika häm tabiği çığanaqlar ministrı Alparslan Bayraktar Azärbaycanğa säfäre qısalarında iq’tisad ministrı Mikail Cabbarov belän oçraştı.

Oçraşuda Azärbaycan belän Törkiyä arasında iq’tisad häm ênergiya ölkälärendä xezmättäşlek mömkinlekläre qaraldı.

Bayraktar Azärbaycan belän ênergiya ölkäsendä “ber millät, ike däwlät” aňlayışı belän tığız êlemtädä toruların äytte, bu qısada ênergetika ministrı Pärviz Şaxbazov häm iq’tisad ministrı Mikail Cabbarov belän näticäle oçraşular ütkärülären belderde.

Alparslan Bayraktar Azärbaycan belän neft’ häm tabiği gaz ölkäsendä alıp barğan êşçänleklärne alğa taba tağın da üsterergä teläwlären citkerde.

Törkiyä ministrı Azärbaycan nefteneň Baqı -Tbilisi - Cäyhun liniyäse aşa yıllar däwamında dön’ya bazarlarına cibärelüen iskä töşerep: “Bez küp yıllar däwamında dön’yanı neft’ belän täêmin itü öçen bik möhim bulğan bu operaŝiyäne däwam itäbez. Monnan soň da şulay êşläyäçäkbez. Bu qısada konstruktiv ike yaqlı xezmättäşlegebezne ike qardäş il bularaq tağın da üsterü öçen ênergetika ölkäsendä qatğıy räweştä alğa barunı däwam itäçäkbez”,- dide.