Dön'yadağı iñ zur almaz çığaru şirkätenä sankśiyä

Awrupa Berlege Rusiyädä urnaşqan dön’yanıñ iñ zur almaz çığaru şirkäte “Alrosa” belän anıñ yuğarı idaräçesen sankśiyä isemlegenä kertte.

Awrupa Berlege şurası Ukrainanıñ cir bötenlege häm bäysezlegenä yanawçı ğamällärdä ğayepläp 1 keşe häm oyışmağa qarşı çikläwçe çaralar ğamälgä kertelüen citkerde.

Şuranıñ açıqlawında älege şäxesneñ Pavel Alekseyeviç Marinıçev buluı äytelä. Belderüdä assızıqlanğança, “Alrosa” Rusiyä däwläteneke häm ildäge almaz çığaru êşeneñ 90%ın başqarıp älege tarmaqta dön’yanın iñ zur şirkäte sanala. Anda berläşmäneñ xökümätkä ähämiyätle külämdä kerem täêmin itüe dä xäterlätelä.

Awrupa Berlegeneñ dekabr’ ayında qabul itkän 12nçe sankśiya paketı qısalarında Rusiyädän almaz importlaw tıyılğan ide. Soñğı qarar älege çikläwlärgä östämä.

Şulay itep, Awrupa Berlegeneñ Ukrainağa höcümnäre arqasında Rusiyägä kertkän sankśiyä isemlegendäge keşe häm oyışma sanı 1950gä citte.