Türkiyäneñ bulgur êksportı

Kön’yaq-könçığış Anadolu börteklelär, quzaqlılar, maylı kul’turalar häm produktları êksportçılar berlege başlığı Celal Kadooğlu Bulgur sänägät’çeläre assoŝiaŝiyase başlığı Bekir Sıtkı Dayıoğlu häm tarmaq wäkilläre belän küreşte.

Kadooğlu biredä açıqlaw yasap, Anadolunıñ bäräkätle cirlärendä üsüçe bodaydan zur xezmät näticäsendä täêmin itelüçe bulgurnıñ dön’yada tanıtıluı öçen kiräkle êşçänleklärneñ başqarılaçağın belderde.

Türkiyädä yılına 1 million 200 meñ tonnadan artıq bulgur citeşterelüen açıqlağan Celal Kadooğlu tübändägeçä däwam itte: “Citeşterelüçe bulgurnıñ yaqınça 250 meñ tonnası êksportlana. Ğıynwar-avgust aylarında ildä 85 million 386 meñ dollarlık bulgur êksportı yasaldı, bu êksportnıñ 39 million 939 meñ dollarlık ölşeşe töbägebezdäge şirkätlär tarafınnan başqarıldı. Bulgur iñ küp Yaqın Könçığışqa êksportlana. Berençe bulıp Ğıyraq, annarı Rusiyä häm Süriyä kilä.”