Törkiyäneñ yaña ölgergän ciläk-cimeş êksportı artqan

Urta diñgez yaña ölgergän ciläk-cimeş yäşelçä êksportçıları berlege başlığı Färhat Gürüz yazmaça belderüendä iyül’ ayında il külämendä yaña ölgergän ciläk-cimeş häm yäşelçä êksportınıñ monnan aldağı yılnıñ şuşı uq çorına qarağanda 27% artu belän 197 million 100 meñ dollarğa citüen äytte.

Tarmaqnıñ iyül’ ayında 192 meñ 700 tonna êşlänmäsen xalıqara bazarlarğa täq’dim itüen citkerüçe Gürüz bu çorda iñ küp tışqı satunıñ töçe çiyä-çiyä, şaptal (persik) häm örek (abrikos) törkemnärendä başqarıluın belderde.

Gürüz, iyül’ ayında Germaniyanıñ, Rusiyäneñ häm Niderlandnıñ iñ küp êksport yasalğan illär buluın bilgeläp uzıp: "Ğıynwar-iyül’ çorındağı tarmaq êksportı, uzğan yılnıñ şuşı uq çorına qarağanda 18%qa artıp, 1 milliard 892 million dollarğa citte”, - dip äytte.