Türkiyä sänäğätendä 7 tarmaqta êksport rekordı

Türkiyäneñ êksportı bıyıl berençe 5 ayda uzğan yılnıñ şuşı uq çorına qarağanda 0,2%qa artıp, 102 milliard 520 million dollarğa citte.

Şuşı çorda sänäğät tarmağınıñ tuplam êksporttağı öleşe 71,7% buldı.

Kün häm kün êşlänmäläre, avtomobil’ industriyası, êlektr häm êlektronika, texnika häm detal’läre, asıltaşlar, saqlanu häm aviaśiya sänäğäte belän kondiśioner sänäğäte böten waqıtnıñ iñ yuğarı ğıynwar’ belän may aylarınıñ êksportın başqardı.

Şuşı çorda kün häm kün êşlänmäläre 866 million dollar, avtomobil’ industriyası 14 milliard 300 million dolar, êlektr häm êlektronika 6 milliard 600 million dollar, texnika häm detal’läre 4 milliard 600 million dollar, asıltaşlar tarmağı 2 milliard 600 million dollar, saqlanu häm aviaśiya sänäğäte 2 milliard dollar, kondiśioner sänäğäte dä urtaça 3 milliard dollar külämendä tışqı satunı tormışqa aşırdı.

Yılnıñ berençe 5 ayında kün häm kün êşlänmäläre 7,5%, avtomobil’ industriyası 14,8%, êlektr häm êlektronika 10,2%, texnika häm detal’läre 12,2%, asıltaşlar tarmağı 21%, saqlanu häm aviaśiya sänäğäte 22,5, kondiśioner sänäğäte 8,3%qa êksportın kübäytte.

İllärgä kürä, yılnıñ berençe 5 ayında Rusiyä Federaśiyäsenä kün häm kün êşlänmäläre 102 million 700 meñ dollar, texnika häm detal’läre 564 million 900 meñ dollar külämendä satıldı.

Germaniyağa avtomobil’ industriyası 2 milliard dollarlıq, kondiśioner sänäğäte 318 million 300 meñ dollarlıq êksport yasaldı.

Böyıkbritanğa êlektr häm êlektronika tarmağı 644 million 800 meñ dollar, Berläşkän Ğaräp Ämirleklärenä asıltaşlar tarmağı 634,5 million dollar külämendä êksport başqardı.