Awıl xucalığında rekord

Türkiyädä awıl xucalığı tarmağı 11 milliard 175 million dollar belän iñ yuğarı ğıynvar-aprel’ êksportı kürsätkeçlärenä ireşte.

Ağımdağı yılnıñ berençe 4 ayında, 2022nçe yılnıñ şul uq çorı belän çağıştırğanda, awıl xucalığı êksportı 1,6%qa arttı. Ul Türkiyäneñ tulayım tışqı säwdäseneñ 13,8%ın täşkil itte.

Awıl xucalığında êşçänlek alıp baruçı 10 tarmaqtan öçese berençe 4 ayda êksport rekordı yasadı.

Börteklelär, quzaqlılar, maylı kul’turalar häm alardan êşlänmälär 3 milliard 801 million dollarlıq satıldı. Ciläk-cimeş häm yäşelçäne çitkä satudan 1 milliard 176 million dollar kerem alındı. Zäytün häm zäytün mayınnan 377 million 17 meñ dollar tabış kerde.

İllärgä qarağanda, yılnıñ berençe 4 ayında Ğıyraqqa börteklelär, quzaqlılar, maylı kul’turalar häm alardan êşlänmälär 660 million 600 meñ dollar külämendä satılğan. Rusiyä isä yäşelçä häm ciläk-cimeşkä östenlek birgän, barlığı 316 million 534 meñ dollarlıq alğannar. İspaniyägä zäytün häm zäytün mayı tarmağı 130 million 700 meñ dollar külämendä êksport başqardı.