İMF global’ iq’tisad üseşe farazın töşerde

İMF Bötendönya iq’tisadi küreneş xisabınıñ 2023nçe yılnıñ aprel’ sanın "Awır ternäklänü" iseme belän bastırdı.

Xisapta Rusiyäneñ Ukrainada başlatqan suğıştan soñ tiz kütärelgän tovar bäyäläreneñ töşüenä, läkin suğışnıñ däwam itüenä häm geopolitik kiyırenkelekneñ yuğarı buluına basım yasaldı.

Xisapta: "Töşkän azıq-tölek häm ênergiya bäyäläre belän yaxşırğan täêmin itü çeltäre êşläwenä bäyle uñay alğarışlarğa qaramastan finans tarmağındağı soñğı tirbälü belän artqan bilgesezleklär belän risklar töğayın bularaq tübän yünäleştä,” – dip äytelde.

İMF xisabında uzğan yılda 3,4% üsüe isäplänelgän dönya iq’tisadınıñ bıyıl 2,8% häm 2024nçe yılda 3% üsüeneñ kötelüe iskärtelep uzıldı.

İMFneñ ğıynwar ayında bastırğan farazlarında dönya iq’tisadınıñ 2023nçe yılda 2,9% häm 2024nçe yılda 3,1% üsäçäge küzallanğan ide.

Xisapta Türkiyä iq’tisadınıñ bıyıl 2,7% häm 2024nçe yılda 3,6% üsäçägeneñ isäplänelüe citkerelde.

İMFneñ ğıynwar ayındağı farazlarında Türkiyä iq’tisadınıñ 2023nçe häm 2024nçe yıllarda 3% qa üsäçäge isäplänelgän ide.