Dön’ya bankınnan kisätü
Dön’ya bankı global’ iq’tisadnıñ urtaça potenśial’ üseşeneñ 2022 belän 2030 arasında yılda 2,2% belän 30 yılnıñ iñ tübän däräcäsenä töşüeneñ kötelüen belderde
Bank "Kimegän ozaq waqıtlı üseş perspektivaları: awışlıqlar, kötelgännär häm säyäsätlär” isemle xisabın bastırdı.
“Kovid-19” kizüe häm Rusiyäneñ Ukrainada başlatqan suğıştan soñ ozaq waqıtlı potenśial’ üseş sannarı belän bäyle berençe kiñ qırlı bäyäläw yasalğan xisapta global’ iq’tisadnıñ inflyaśiyağa yul quymıyça üsä alaçaq ozaq waqıtlı külämneñ 2030nçı yılğa qadär 30 yılnıñ iñ tübän däräcäsenä töşäçäge iskärtelep uzıldı.
Xisapta bu külämneñ dönyaküläm iq’tisadnıñ “tizlek limitı" bularaq uylanıla alınaçağı citkerelde.
Soñğı 30 yılda alğa kiteşkä häm mullıqqa köç-küät birgän iq’tisadi köçlärneñ böteneseneñ diyärlek zäğıyflänüenä iğ’tibar yünältelgän xisapta 2022nçe yıl belän 2030nçı yıllar aralığında global’ iq’tisadnıñ urtaça potenśial’ üseşneñ ber yılda 2,2%qa töşüeneñ kötelüe, monıñ bu ğasırnıñ berençe 10 yılındağı külämneñ yaqınça öçtä bersenä turı kilüe äytelde.
Xisapta şuşı kimüneñ üsep kilüçe iq’tisadlar öçen ber ük däräcädä kisken bulaçağı, 2000nçe belän 2010nçı yıllar arasında ber yılda 6% bulğan urtaça potenśial’ üseş külämeneñ qalğan şuşı 10 yıl däwamında ber yılda 4%qa azayaçağı äytelde.
Bank xisabında bu töşülärneñ global’ finans krizis yäki reśessiya oçrağında tağın da kisken bulaçağı kisätelde.
Xisapta transport häm ênergetika, klimat öçen faydalı awıl xucalığı häm citeşterü, tufraq häm su sistemaları kebek ölkälärdä töp klimat maqsatları belän ahäñle kapital salularnıñ tizlätelüeneñ zarurlığı bilgeläp uzıldı.
Säwdä çığımnarınıñ da azaytıluınıñ zarurlığına basım yasalğan xisapta êşçe köçlärgä quşıluınıñ arttırıluınıñ kiräklege häm xezmät tarmağınıñ iq’tisadi üseşneñ "yaña motorı” bula alaçağı citkerelde.
