Şri-Lankanı qotqaru paketı

Xalıqara valyuta fondı Şri-Lanka sorağan 2,9 milliard dollar külämendäge qotqaru paketın rasladı. Oyışma belderüendä 48 aylıq programmanı idarä şurasınıñ qabul itüe citkerelä.

Programmanıñ maqsatı Şri-Lankanıñ makroiq’tisadi totrıqlılığın tözü, iq’tisadnıñ yarlılarğa täêsiren kimetü, finans tarmaq totrıqlılığın saqlaw häm idarä belän üseş mömkinleklären nığıtu.  

Awır iq’tisadi krizis belän köräşüçe Şri-Lankada finans xäl häm yağulıq problemasına qarata protestlardan soñ däwlät başlığı Gotabaya Rajapaksa xatını häm saq xezmätkärläre belän 2022nçe yılnıñ 13nçe iyülendä başta Mal’divlarğa, annan Singapurğa qaçtı. Ul 14nçe iyül’dä êlektron poçta aşa wazıyfasınnan kitüe turında xat cibärde. 20nçe iyül’dä Şri-Lanka parlamentında uzğan tawış birüdä waqıtlıça däwlät başlığı häm xökümät räise Ranil Vikremesingxe ilneñ yaña liderı itep saylandı.

Sri- Lankanıñ tulayım tışqı burıçı 51 milliard dollardan artıq. İl 2021nçe yılda tüläw waqıtı tulğan 7 milliard dollar burıçın qaytara almadı.

Tarixındağı iñ awır iq’tisadi krizis belän köräşüçe Şri-Lanka Xalıqara valyuta fondı belän alıp barılğan söyläşülärdän soñ 2,9 milliard dollar kredit kileşüe tözede.