Türkiyä avtomobil’ sänäğate citeşterüne häm êksportnı arttırğan
Bu xaqta Türkiyä avtomobil’ sänäğate assośiaśiyäse xäbär itä
Türkiyä avtomobil’ sänäğate assośiaśiyäse 2023 nçe yılnıñ ğıynwar häm fevral’ aylarına qağılışlı citeşterü häm êksport kürsätkeçlären açıqladı.
Älege mäğ’lümatlarğa qarağanda, bıyılnıñ berençe ike ayında ğomumi avtomobil’ tarmağınıñ citeşterü küläme uzğan yılnıñ şul uq çorı belän çağıştırğanda 14%qa artqan häm 223 meñ 796 danä täşkil itkän. Avtomobil’ citeşterü isä 23%qa artıp 134 meñ 474 danägä citkän.
Ağımdağı yılnıñ berençe ike ayında kommerśiya avtomobil’läre citeşterüdä uzğan yılnıñ şul uq ayları belän çağıştırğanda 3 %qa artış terkälgän.
Bu çorda ğomumi avtomobil’ tarmağı uzğan yılğa kürä danä nigezendä 8%qa artqan häm 158 meñ 145 danä täşkil itkän.
Bu däwerdä avtomobil’ êksportı 14%qa artqan.
Türkiyä êksportçılar assośiaśiyäse mäğ’lümatlarına qarağanda, ğomumi avtomobil’ tarmağı êksportı 2023 nçe yılnıñ berençe ike ayında 12,2% öleşe belän tarmaqlar êksportında berençe urında tora.
