Türkiyäneñ Könçığış Qara diñgez töbäge uzğan yıl 15 ilgä bal sattı
Älege êksport il iq’tisadına 2 million 65 meň dollar tabış kiterde
1939792
Türkiyäneñ Könçığış Qara diñgez töbäge uzğan yıl 15 ilgä 852 tonna bal sattı.
Könçığış Qara diňgez êksportçıları assośiaśiyäseneñ idarä şurası başlıq urınbasarı Äxmät Xämdi Gürdoğan beldergänçä, älege êksport il iq’tisadına 2 million 65 meň dollar tabış kiterde.
İň küp bal satılğan illär - Amerika Quşma Ştatları, Berläşkän Ğaräp Ämirlekläre häm Böyekbritaniya.
Äxmät Xämdi Gürdoğan bilgeläp uzğança, uzğan yıl annan êlekke yıldan ayırmalı bularaq İzrail, Kanada, Yordaniyägä dä bal cibӓrelde.
Balnıñ töbäk öçen möhim êksport produktı buluın belderüçe Gürdoğan: “Bal êksportı Kovid-19 êpidemiyäse waqıtında da uñay üseşen däwam itte. Uzğan yılnı da uñışlı tämamladıq. Bıyıl da bal êksportınıñ artaçağına ışanabız”, - dide.
