Türkiyädän AQŞqa rekord külämdä êksport
AQŞqa satu uzğan yıl 14 milliard 362 million dollarğa citte
Türkiyäneñ Amerika Quşma Ştatlarına êksportı uzğan yıl 14 milliard 362 million dollar belän rekord däräcägä citte.
20 trillion dollarlıq iq’tisadqa iyä AQŞnıñ törek tovarlarına sorawı 2022nçe yılda arttı.
Türkiyä dön’ya markaları öçen qızıqsındırırlıq märkäz üzençälegen saqlawı östenä ike däwlät arasında investiśiyä häm säwdäneñ artuı Türkiyäneñ älege ilgä satularında tağın da täêsirle näticälärgä ireşüen täêmin itte.
Türkiyädä êşçänlek alıp baruçı AQŞ şirkätläreneñ dä bu êştä role bar. Alar säwdä äyläneşen tağın da külämle xälgä kiterde. Näticädä törek tovarlarına soraw arttı.
Türkiyäneñ AQŞqa êksportı uzğan yıl, annan aldağı yıl belän çağıştırğanda, 11,8%qa üste. İlneñ tulayım tışqı satuda anıñ öleşe - 5,6% buldı. Şulay itep, AQŞ uzğan yıl, Rusiyädän soñ, Türkiyä iñ küp êksport yasağan däwlät ide.
Amerika Quşma Ştatlarına kübräk ximik matdälär häm alardan yasalğan êşlänmälär tarmağı satqan. Bu êksporttan 1 milliard 523 million dollar kerem kilä.
AQŞqa avtomobil’ industriyäse -1 milliard 435 million dollarlıq, qorıç tarmağı -1 milliard 220 million dollarlıq, äzer kiyem häm konfekśiyä - 1 milliard 8 million dollarlıq häm zärqançılıq sektorı 998 million 332 meñ dollarlıq tovar satqan.
