"Türkiyäneñ Soğud Ğaräbstanı belän säwdä küläme 4 milliard 300 million dollarğa kütärelde"
Bu xaqta Türkiyä qazna häm finans ministrı Nureddin Nebati belderde
Bıyılnıñ ğıynwar-oktyabr’ aylarında Türkiyäneñ Soğud Ğaräbstanı belän säwdä küläme 4 milliard 300 million dollarğa kütärelde.
Bu xaqta Türkiyä qazna häm finans ministrı Nureddin Nebati İstanbulda uzğan Türkiyä – Soğud Ğaräbstanı Êş häm investiśiya forumında yasağan çığışında citkerde.
”Bezneñ Soğud Ğaräbstanı belän 2021 nçe yılda 3 milliard 700 million dollar bulğan säwdä külämebez ağımdağı yılnıñ ğıynwar-oktyabr’ aylarında 4 milliard 300 million dollarğa qadär arttı. Bez monnan bik qanäğät’”,- dide ministr.
Türkiyä qazna häm finans ministrı Nurettin Nebati İstanbul birjasına qağılışlı ”Birjabız investorlarğa cälep itüçän kerem mömkinlekläre täq’dim itä “ dide.
Nebati Türkiyä iq’tisadınıñ investiśiyälär, êş belän täêmin itü, citeşterü häm êksport östenlekle säyäsätlär belän 9 kvartal däwamında özleksez üseşen däwam itüen citkerde.
Nureddin Nebati äytüençä, üseştäge bu köçle kürsätkeç êş belän täêmin itü bazarında da uñay çağılış taba.
“Oktyabr’ ayına ğomumi êş belän täêmin itü däräcäse 31 million 200 meñ keşe belän tarixi rekordqa ireşte. Noyabr’ ayında êksportıbız yıllıq 253,5 milliard dollar belän cömhüriyät tarixındağı iñ yuğarı däräcägä citte” dide Türkiyä qazna häm finans ministrı Nurettin Nebati.
