Rusiyäneñ milliardları Ukrainanı torğızu öçen totılaçaq

Awrupa Berlege Rusiyäneñ suğış säbäple tuñdırılğan 300 milliard yevro külämendäge Üzäk bank rezervları häm rus oligarxlarınıñ 19 milliard yevrolıq aktivların tartıp alırğa niyätli. Bu xaqta Awrupa Berlege komissiyäse räise Ursula fon der Leyen belderde. Ul “Rusiyä üze kiterep çığarğan cimerülär öçen matdi bularaq tülärgä tiyeş” dide häm Ukrainağa xäzergä qadär 600 milliard yevro külämendä zıyan salınuın äytte.

“Rusiyä häm oligarxları Ukrainağa kitergän zıyannı qaplarğa häm ilne torğızu çığımnarın üz östenä alırğa tiyeş,”-dide Ursula fon der Leyen. Ul, tuñdırılğan milliardlarnı xäterlätep, Rusiyädän monı tülätäçäk çaralarğa iyä buluların da belderde. “Xezmättäşlärebez belän bergä tiz arada bu fondlar belän idarä itäçäk häm alarğa sankśiyä kertäçäk struktura barlıqqa kiterä alabız,”-di fon der Leyen. Ul älege aqçalarnı Ukraina öçen qullana aluların äytte.