OECD Türkiyäneñ 2022 üseş farazın kütärde
OECD İq’tisadi xezmättäşlek häm üseş oyışması 2022nçe yıl öçen Türkiyä iq’tisadına qağılışlı üseş farazın 3,7%tan 5,4%qa üzgärtte
OECDneñ “Sentyabr’ waqıtlıça iq’tisadi küreneş xisabı” täq’dim itelde.
2022nçe yıl öçen iyün’ ayında 3,7% bularaq farazlanğan Türkiyä iq’tisadınıñ üseşe 5,4%qa kütärelde.
OECD xisabında Türkiyä iq’tisadınıñ kiläse yılğa qağılışlı üseş farazı 3% däräcäsendä qalsa, 2022nçe yıl inflyaśiya farazı isä 72%tan 71%qa töşerelde.
Xisapta global’ iq’tisadnıñ 24nçe fevral’dän birle däwam itüçe Rusiyä-Ukraina suğışınıñ bäyäsen tüläwe häm üseşneñ berniçä ay êlek farazlanğannan tağın da kübräk äkrenäyüe iskärtelep uzıldı.
OECD xisabında: “Yaña tör koronavirus (Kovid-19) pandemiyasınıñ êkonomikağa yoğıntısı däwam itkän çaqta suğış üseşne kimetä. Bar närsädän êlek azıq-tölek häm ênergiya bäyälärenä östämä artu basımın yasıy”, - dip äytelde.
Yuğarı inflyaśiyanıñ kötelgännän tağın da ozağraq çıdamlı bulıp qaluına basım yasalğan xisapta şaqtıy iq’tisadta 2022nçe yılnıñ berençe yartısında inflyaśiyanıñ 1980nçe yıllardan birle iñ yuğarı däräcädä buluı häm soñğı kürsätkeçlärneñ naçarayuı belän global’ iq’tisadi küreneşneñ “qaranğılanuı” belderelde.
Xisapta dönyaküläm êkonomikada üseş farazı 2023nçe yıl öçen isä 2,8%tan 2,2%qa töşerelde.
