Törek losose êksportı

Könçığış Qara diñgez êksportçılar berlege küzätü şurası äğ’zase häm su êşlänmäläre tarmaq komitetı başlığı urınbasarı İlkär Yıldırım töbäktän yılnıñ 8 ayında 14 ilgä êksport yasaluın äytte.

Şuşı çorda Qara diñgezdän 11 meñ 183 tonna törek lososeneñ çit ilgä satıluın belderüçe Yıldırım bu êksporttan 81 million 645 meñ 462 dollar kerem täêmin itelüen citkerde.

Yıldırım töbäktän uzğan yılnıñ şuşı uq çorında da 6 meñ 243 tonna külämendä êksport öçen 32 million 810 meñ 326 dollar kerem alınuın iskärtep uzıp:

"Bu räweşle yılnıñ 8 ayında başqarılğan törek losose êksportı uzğan yılnıñ şuşı uq çorına qarağanda miqdarda 79%, qıymmättä dä 149%qa artqan”, - dip äytte.

Êksportta bazar törlelegenä iğ’tibarnı yünältüçe Yıldırım Rusiyä Federaśiyäse, V’etnam häm Yaponiyanıñ iñ küp êksport yasalğan illär buluın belderde.