Törkiyä krevetkasın kemnӓr yarata?

Ӓgӓy töbӓgeneñ qara qabıqlı midiyalӓren Berlӓşkӓn Ğarӓp Ӓmirleklӓre yarata. Ӓkӓm-tökӓmen isӓ Franśiya yaratıp ala.

Ӓgӓydӓge Êksportçı berleklӓrennӓn alınğan mӓğlümatqa kürӓ Ӓgӓydӓge êksportçılar bu yılnıñ berençe 6 ayında 513 million 707 meñ dollarlık diñgez produktların êksportladı.

Diñgez produktları êksportında töp rol’dӓ alabuğa, qorban balığı hӓm forel’ buldı. Ӓlege tarmaqta iñ küp êksport Rusiyӓ, İtaliya, Angliya, İspaniya hӓm Greśiyağa başqarıldı.

Balıqtan tış Ӓgӓy diñgezennӓn çığarılğan krevetka, kal’mar, siğezayaq hӓm diñgez qıyarı kebek şaqtıy produkt ta Amerika Quşma Ştatları, İtaliya, İspaniya, Franśiya, Bel’giya hӓm Berlӓşkӓn Ğarӓp Ӓmirleklӓre belӓn ber rӓttӓn küp kenӓ ilgӓ satıldı.

Balıqtan tış yılnıñ berençe 6 ayınd Ӓgӓydӓn yaqınça 12 million dollarlık diñgez produktları êksportı çınğa aşırıldı. Berlӓşkӓn Ğarӓp Ӓmirleklӓre 13 630 kilogram qara qabıqlı midiyalӓr êksportı belӓn berençe urında ide.

Ӓkӓm-tökӓm êksportında iñ zur bazar 39 680 kilogram belӓn Franśiya buldı, ğıynwar-iyun’ ayları çorında Greśiyağa krevetka êksportı 45 320 kilogram bularaq çınğa aştı.

İzmirdağı Balıqçı-êşmӓkӓrlӓr cӓmğıyӓte başlığı Şahin Çakan Ӓgӓy diñgezeneñ bay törlelege buluın citkerep: “Bügenge köndӓ bar dön’yada Norvegiya hӓm Daniya diñgez produktları êksportında berençe urında lӓkin bu illӓrneñ törlelege yuq. Alarnıñ sölӓyman balığı belӓn skumbriyase genӓ bar fӓqat Törkiyӓ digӓndӓ Ӓgӓy, Mӓrmӓrӓ, Qara diñgezdӓ balıqlardan tış küp törle produktlar bar,” – dide.