Awrupa törek çäye êçä
Bıyıl Törkiyädän iñ küp çäy aluçılar isemlegeneñ başında Awrupa däwlätläre kilä
1856826
Törkiyädän ağımdağı yılnıñ ğıynvarınnan iyünenä qadär 97 ilgä çäy êksportlandı. 6 ayda barlığı 3 meñ 652 tonna xuş isle êçemlek çitkä satıla.
Könçığış Qara diñgez êksportçılar berlege mäğ’lümatlarına qarağanda, älege satıştan 12 million 234 meñ dollardan artıq kerem alınğan. Bu, uzğan yılnıñ şul uq çorı belän çağıştırğanda, küläm yağınnan 41%qa, kerem nisbätennän 19%qa artıq.
Bel’giyä, Böyekbritaniyä häm Germaniyä Törkiyä çäyen iñ küp satıp alğan illär buldı.
Uzğan yıldan ayırmalı bularaq, bıyıl Kamerun, Gambiyä, Êritriya, Keniya, Êstoniya, Mayottağa da törek çäye cibärelde.
