Vakśina çığaru keremle êş
Pfayzer koronavirus vakśinası belän darularınnan alğan häm alaçaq keremnäre turında citkerde
1776059
Amerikanıñ farmaśevtika şirkäte Pfayzer koronavirus vakśinası belän daruınnan bıyıl 54 milliard dollar kerem alaçaın farazlıy. Firma 2021nçe yılnıñ 4nçe kvartalı kürsätkeçläre häm kiläçäkkä plannarı belän urtaqlaştı.
Belderüdän kürengänçä, şirkätneñ uzğan yılnıñ soñğı çiregendä kereme, 2020nçe yılnıñ şul uq çorı belän çağıştırğanda, 105%qa artıp 23,8 milliard dollarğa citkän. Ä tulayım yıllıq tabışı isä uzğan yıl, annan aldağı yılğa qarağanda, 2 tapqır diyärlek artqan häm 81,3 milliard dollar täşkil itkän.
Pfayzer bıyıl 98 milliard dollardan başlap 102 milliard dollarğa qadär kerem kötä. Şunıñ 54 milliard dollarınıñ Germaniyä biotexnologiyä firması Biontex belän bergä uylap tapqan koronavirus vakśinası häm daruınnan kiläçäge farazlana.
