Törkiyä awıl xucalığı êşlänmäläre 4 qıytğada täq’dir itelä
Törkiyä êksportçılar assambleyası Törkiyäneñ êksport êşlänmäläre belän tarmaqlarınıñ dönya külämendä belenelüen tağın da arttıru maqsatınnan çığıp “BBC World News” belän xezmättäşlek urnaştırdı
Törkiyä êksportçılar assambleyasınnan yasalğan belderügä kürä, Awrupada, Tön’yaq Amerikada, Latin Amerikada, Afrikada, Aziya Tın okeanında, Yaqın Könçığışta, Kön’yaq Aziyada 1 milliardqa yaqın tamaşaçısı bulğan “BBC World News”nıñ törkemnäre azıq-tölek häm awıl xucalığı, tekstil’ häm asıltaşlar, innovaśiya häm texnologiya mäs’älälärendä dokumental’ fil’m üzençälegendä 3 tapşıru äzerläde.
Teletapşıru tezmäseneñ tekstil’ häm asıltaşlarğa bağışlanğan berençe bülege 1 milliard tamaşaçığa barıp ireşte.
Azıq-tölek häm awıl xucalığı añlatılğan ikençe bülege dä fevral’ ayı başında “BBC World News”tan tapşırılaçaq.
Tanıtu fil’mında qorıtılğan häm yaña ölgergän ciläk-cimeş, zäytün-zäytün mayı, qıyaqlılar-quzaqlılar, çikläwek tarmaqları turında mäğ’lümat birelep, qorıtılğan häm yaña ölgergän yözem, çiyä, incir, pomidor, qıyar häm örek-abrikos kebek uñışlar da täq’dir itelä.
Törkiyä azıq-tölek häm awıl xucalığı tarmağı 2021nçe yılda 22 milliard yarım dollardan kübräk êksportı belän dönyada möhim täêmin itüçe buluın kürsätte.
Dön’yanıñ iñ zur çikläwek, yaña ölgergän häm qorıtılğan incir, abrikos, yözem häm bulgur citeşterüçese bulğan Törkiyä dönya külämendä 150 ilgä çikläwegen êksportlıy.
