Gruziya Törkiyäneñ sıyfatlı daruların ala başlıy

Gruziyä xökümäte räise İrakli Garibaşvili Törkiyädän kilüçe darularğa ilneñ bazarın açu turındağı qararnı imzaladı. Ul bu xaqta başqala Tbilisida ministrlar kabinetı utırışı açılışında söyläde. Xökümät räise uzğan atnada daru bäyälären töşerü häm ilgä sıyfatlı farmaśevtika kertü öçen Törkiyädän preparatlar ala başlarğa planlaştıruların xäterlätte.  

“Xökümät qararın imzaladıq, şulay itep monnan soñ Törkiyädän yuğarı sıyfatlı, xalıqara GMP standartlarına turı kilüçe darular importlanaçaq,”-dide Gruziyä xökümäte räise.

Garibaşvili äytkänçä, Törkiyä belän Gruziyädäge farmaśevtika tovarları bäyälärendä şaqtıy zur ayırma bar. Bigräk tä, iñ zur ixtiyac tuuçı darular Törkiyädä oçsız.