Taw sänäğäte êksportında rekord

Törkiyä ênergetika häm tabiğıy çığanaqlar ministrı Fatih Dönmäz, taw sänäğäte êksportınıñ uzğan yılda annan aldağı yılğa qarağanda 40%qa artuın belderep: "Uzğan yılda Cömhüriyät tarixınıñ rekordın quyıp 5 milliard 930 million dollar külämendä taw sänäğäte êksportı başqarıldı”, - dip äytte.

Dönmäz 2021 Taw sänäğäte êksportın bäyäläw cıyılışında yasağan çığışında uzğan yılnıñ ênergetika häm taw sänäğäte tarmağı cähätennän uñışlı tämamlanuın belderde.

2021nçe yılda altın tarmağında 7 milliard 600 million dollar külämendä êksport yasaluına basım yasawçı Dönmäz 2009nçı yılda 11 milliard lira bulğan taw sänäğäte tarmağınıñ milli tulayım tabışqa öleşeneñ 2020nçe yılda yaqınça 6 märtäbä artıp 59 milliard 200 million lirağa citüenä iğ’tibarnı yünältte.

Taw sänäğäte êksportınıñ 2000nçe yılda 565 million dollar buluın xäterlätüçe Dönmäz: "Uzğan yılda Cömhüriyät tarixınıñ rekordı quyılıp, 5 milliard 930 million dollar külämendä taw sänäğäte êksportı yasaldı. 20 yılda 10 märtäbädän kübräk artuğa ireştek. 2020nçe yıldağı 4 milliard 270 million dollarlıq taw sänäğäte êksportıbız belän isä ber yıllıq bazada 40%lıq artışqa ireştek”, - dip äytte.

Dönmäz uzğan yılda taw sänäğäte êksportında berençe unlıqta Qıtay, Amerika Quşma Ştatları, İspaniya, Bolgariya, Bel’giya, İtaliya, Hindstan, Şveśiya, Germaniya häm Franśiyanıñ buluın, bıyıl İndoneziya, Üzbäkstan, Hoñ Koñ, Albaniya häm Serbiyanıñ da isemlekkä östälüen citkerde.

İñ küp êksport başqarılğan illär arasında 28% belän Qıtaynıñ berençe urınğa kilüen belderüçe Dönmäz, Qıtaydan soñ 9,7% belän Amerika Quşma Ştatları, 5% belän İspaniya häm 4% belän Bolgariya häm Bel’giyanıñ kilüen iskärtep uzdı.