Azıq-tölek bäyäläre iñ yuğarı noqtasında
Oktyabr'dä xalıqara azıq-tölek kärcine indeksı 10 yıldağı iñ qıymmät bäyägä kütärelde
Dön’yada azıq-tölek bäyäläre 2011nçe yılnıñ iyülennän birle iñ yuğarı däräcägä citte.
BMO beldergänçä, azıq-tölek kärcineneñ xalıqara bäyälärendäge aylıq üzgäreşlär küzätep barıla. Anıñ indeksı oktyabr’dä, sentyabr’ belän çağıştırğanda, 3,9%qa üskän.
Aşlıq bäyäse indeksı da şul uq çorda 3,2%qa kütärelgän. Dön’yada boday bäyäläre Kanada, Rusiyä häm AQŞ şikelle zur êksportçılarda 5%qa qıymmätlände. Bu uñışnıñ kimüe näticäsendä global’ ixtiyacnıñ tarayuı belän bäyle. Başqa töp aşlıqlarnıñ da xalıqara bäyäläre arttı.
Üsemlek mayı bäyäse indeksı 9,6%qa üsep iñ yuğarı däräcägä citte. Bu pal’ma, soya, könbağış häm raps maylarınıñ qıymmätlänüe belän bäyle. Pal’ma mayı bäyäläre Malayziyada migrant êş köçenä qıtlıq arqasında citeşterüneñ kimüennän qurqıp kütärelde.
Söt êşlänmäläre bäyäse indeksı oktyabr’dä, annan aldağı ay belän çağıştırğanda, 2,6%qa üste. Bu satıp aluçılarnıñ zapas öçen tovarnı küp itep aluı, täêminatçılarnıñ isä sorawnı qanäğat’länderep ölgerä almawı belän bäyle.
