Törkiyäneñ kürşelärenä êksport küläme

Säwdä ministrlığı häm Törkiyä êksportçılar assambleyası mäğ’lümatlärenä kürä, ilneñ êksportı sentyabrdä uzğan yılnıñ şuşı uq çorına qarağanda 30% artu belän 20 milliard 800 million dollar buldı. Bu san belän cömhüriyät tarixında täwge tapqır ber aylıq bazada 20 milliard dollardan kübräk buldı.

İlneñ ğinwar-sentyabr’ aylarındağı êksportı isä uzğan yılnıñ şul uq çorına qarağanda 36%qa artıp 161 milliard dollarğa citte.

Törkiyä ğinwar-sentyabr çorında kürşeläre Bolgariyağa, İranğa, Ğıyraqqa, Görcestan-Gruziyağa, Süriyägä häm Greśiyağa 14 milliard 509 million 605 meñ dollar külämendä êksport yasadı. Bu räweşle bu illärgä başqarılğan êksport 9 ayda uzğan yılnıñ şul uq çorına qarağanda 34,4%qa artqan.

Şuşı çorda iñ küp êksport 6 milliard 200 million dollar belän Ğıyraqqa yasaldı. Bu ildän soñ 2 milliard yarım dollar belän Bolgariya, 2 milliard dollar belän Greśiya, 1 milliard 700 million dollar belän İran, 1 milliard 100 million dollar belän Görcestan-Gruziya häm 1 milliard 66 million dollar belän Süriyä kilä.

Kürşe illärgä ğinwar-sentyabr’ aylarında iñ küp satunı "ximikatlar häm êşlänmäläre" tarmağı yasadı.