İñ küp êksport yasawçı şirkätlär - İstanbulda

Uzğan yıl iñ küp êksport yasağan meñ firma arasınnan İstanbul 426 şirkäte belän aldınğı buldı.

Törkiyä êksportçılar mäclese äzerlägän maqtaw kitabınnan alınğan mäğ’lümatlarğa qarağanda, berençe meñlektä urın alğan şirkätlärneñ tulayım çitkä satışı uzğan yıl 92 milliard yarım dollar täşkil itkän. İlneñ êksportında alarnıñ öleşe - 54,6%.

İsemlektä 50 töbäkneñ şirkätläre urın alğan. İñ aldınğı - İstanbul regionı. Berençe meñlekkä anıñ 426 şirkäte kerä. Annan soñ 80 firma belän İzmir, 73 oyışması belän Gaziantäp kilä. Bursa, Kocaäli häm Änkara da aldınğı.

Uzğan yıl iñ küp êksport yasağan şirkätlär arasında berençelek “Ford Otomotiv”ta. Anıñ çitkä satudan kereme - 5 milliard dollarğa yaqın. “Toyota” 3 milliard 600 millionlıq, ä “Oyak-Reno” 2 milliard 300 million dollarlıq êksport yasadı.