Törkiyä ciläk-cimeşen kemnär yarata?

Törkiyädä bu yılnıñ berençe 7 ayında ciläk-cimeş häm yäşelçä êksportı iñ küp Rusiyägä başqarıldı.

Urta diñgez êksportçıları berlege mäğlümatlarına kürä ciläk-cimeş häm yäşelçä êksportı  ğıynwar-iyul’ çorında uzğan yılğa qarağanda 20%ka artıp, 1 milliard 638 million dollar buldı.

Bu çorda çınğa aşırılğan êksportnıñ 32%ına turı kilüçe 526 million 818 meñ dollarlık öleşe Rusiyägä baqarıldı.

Rusiyädän soñ êksportta 186 million 496 meñ dollar belän Germaniya, 141 million 120 meñ dollar belän Rumınya, 132 million 287 meñ dollar belän Ğıyraq, 91 million 177 meñ dollar belän Ukraina kilä.

Urta diñgez ciläk-cimeş häm yäşelçä êksportçıları berlege başlığı Nejdat Sin Törkiyäneñ yaña ölgergän ciläk-cimeş häm yäşelçä êksportında möhim urın alıp toruın äytte.