Törkiyä çäyen kemnär yarata?

Törkiyӓ yılnıñ berençe 6 ayında çӓy êksportınnan 10 million 282 meñ 445 dollarlık kerem tӓêmin itte.

Könçığış Qara dingez êksportçıları berlege mӓğlümatlarına kürӓ ğıynwar-iyun’ çorında 108 ilgӓ 2587 tonna çӓy êksportlandı.

Bel’giya, Germaniya, Amerika Quşma Ştatları, Franśiya, Niderland hӓm Tön’yaq Kipr Törek Cömhüriyӓte çӓy satışınnan iñ küp kerem tӓêmin itelgӓn illӓr buldı.

Ӓlege çorda Bel’giyağa 4 491 611, Germaniya 1 million 72 312, AQŞqa 598 256, Franśiyağa 446 891, Niderlandka 444 034 hӓm Tön'yaq Kipr Törek Cömhüriyätenӓ 423 124 dollarlık çӓy satıldı.

Uzğan yıldan ayırmalı bularaq Qıtay Xalıq Cömhüriyӓte, Rumıniya, Serbiya, Burkina Faso, Litva, Çili, Xorvatiya, Daniya, Paragvay, Pol’şa, Misır, Surinam, Gabon, Yaña Zelandiya hӓm Fӓlӓstingӓ dӓ bu çorda çӓy cibӓrelde.