“Amasra-1” qoyısınnan çığarılğan gaz ênergiyağa äyländerelde
Törkiyä ênergetika häm tabiğıy çığanaqlar ministrı Fatih Dönmäz Törkiyäneñ Qara diñgezdäge ikençe açışı bulğan “Amasra-1” borawlaw qoyısınnan çığarılğan tabiğıy gaznıñ yandırılıp ênergiyağa äyländerelüen belderde
1654415
Dönmäz, “Twitter” akkauntınnan gaznıñ laboratoriya şartlarında injenerlar tarafınnan täwge tapqır yandırıluına qağılışlı test sürätlären urtaqlaşıp: "Qara diñgezdäge ikençe açışıbız “Amasra-1” borawlaw qoyısınnan çıqqan tabiğıy gaznı injenerlarıbız ênergiyağa äyländerde. Açışıbıznıñ utı Törkiyäneñ tönnären tağın da yaqtı, qışların tağın da cılı, sänäğäten tağın da köçle qılaçaq”, - dip belderde.
İlbaşı Räcäp Tayyip Ärdoğan uzğan atnada “Fatih” borawlaw köymäseneñ Qara diñgezdäge Tön’yaq Sakariya gaz mäydanında urnaşqan “Amasra-1” borawlaw qoyısında 135 milliard kub metrlıq yaña rezerv tabıluın açıqlağan ide.
Şuşı açış belän Törkiyäneñ Qara diñgezdä tapqan gaz rezervı 540 milliard kub metrğa citte.
