“Kovid-19” Awrupa turizmına niçek täêsir itkän?

Awrupa Berlege äğ’zase illärdä yaña tör koronavirus (Kovid-19) kizüe arqasında 2020nçe yılda qunaqxanälärdä qalu küläme 2019nçı yılğa qarağanda 52%qa azayğan.

Bu turıda Awrupa statistika ofisı Eurostat belderde.

Awrupa statistika ofisı (Eurostat) Awrupa Berlege äğ’zase illärdä 2020nçe yılnıñ turistik qorılmalarda urnaşu mäğ’lümatläre belän urtaqlaştı.

Monıñ nigezendä Awrupa Berlege illärendä turizm uzğan yılda kizüdän iñ küp täêsirlängän tarmaqlar arasında bulğan.

Awrupa Berlege illärendä urnaşqan turistik qorılmalarda ber töngä qalu küläme 2020nçe yılda 2019nçı yıl belän çağıştırğanda 52%qa azayğan. Bu räweşle Awrupa Berlege illärendä 2019nçı yılda yaqınça 3 milliardqa citkän ber tönlek qunıp kitü sanı uzğan yılda 1 milliard 400 millionğa xätle kimegän.

Bu çorda Kipr grek idaräse töbägendä, Greśiyädä häm Mal’tada qunaqxanälärdä urnaşu küläme 70%tan kübräk azayğan.