Malatiya balığı qaylarğa ozatıla?

Malatiyada ürçetelüçe yaqınça 5 meñ tonna balıq 11 ilgä satıla. Törkiyäneñ älege töbägennän kilüçe balıqlarnı bigräk tä Awrupa Berlege däwlätläre yarata.

Malatiya dön’yağa örek watanı bularaq tanıldı. Xäzer ul ala balıq (forel’) häm söläyman balığı belän dä tellärgä kerä.

Karakaya böyäsendä häm başqa cirleklärdäge fermalarda 2005nçe yılda 286 tonna balıq citeştersälär, uzğan yıl ul 2 meñ 500 tonnağa citte. Bıyıl isä 5 meñ 550 tonna balıq ürçetelde.

Malatiyada söläyman balığın bıyıl täwge tapqır ürçetä başladılar häm meñ tonna uñış aldılar. Ul Rusiyägä êksportlandı. Yaqınça 4 meñ tonna ala balıq Germaniyä, Yaponiyä, Daniya, Pol’şa, Bel’giya, Rumıniya, Niderland, İzrail, Gruziya, Rusiyä häm Azärbaycanğa ozatıldı.