Törkiyä ketçubın kemnär yarata?

Törkiyäneñ bäräkätle tufraqlarında citeşterelgän pomidorlardan yasalğan ketçupnı çit illär yaratıp ala. Anıñ êksportınnan bıyılnıñ berençe çiregendä 4 million 566 meñ dollarlıq kerem alındı.

Uludağ êksportçıları berlegennän alınğan mäğ’lümatlarğa qarağanda, yılnıñ berençe 3 ayında ketçup êksportı, uzğan yılnıñ şul uq çorı belän çağıştırğanda, 4,2%qa arttı. Bu tarmaqta êşçänlek alıp baruçı şirkätlär iñ küp tovarnı Ğıyraqqa sattı. Annan 1 million 533 meñ dollar kerem alındı.  Törkiyä ketçubın yaratuçılar arasında ikençe urında İspaniyä kilä. Alar 368 meñ dollarlıq tovar alğan. Germaniyä ö -çençe urında. Bıyıl alar Törkiyädän 344 meñ dollar bäyäsendä ketçup alğan. Tarmaqnıñ ähämiyätle bazarlarınnan berse – Angliya. Alarğa berençe çirektä 272 meñ dollarlıq ketçup cibärelde.