“Tön’yaq ağımı-2” AQŞqa qaramastan tämamlanaçaq
Rusiyä ênergetika ministrı Aleksandr Novak “Tön’yaq ağımı-2” tabiğıy gaz ütkärgeçeneň Amerika Quşma Ştatlarınıň sankśiyälärenä qaramastan tämamlanaçağın äytte
“Sputnik” xäbärenä kürä, Novak, Rusiyä matbuğatına yasağan belderüendä: "Sankśiyälärdän bäysez bularaq ütkärgeçneň salınuı tögällänäçäk. Barı tik 160 çaqrımnan äzräk öleşe qaldı”, - dip äytte.
AQŞ İlbaşı Donal’d Trämp uzğan atnada “Tön’yaq ağım-2” häm “Törek ağımı” ütkärgeçläre belän bergä sankśiyälär küzdä totılğan 2020 saqlanu byudjetı ölgesenä qul quyğan ide.
Şul uq könne Amerika Quşma Ştatları Kazna ministrlığı “Tön’yaq ağım-2” häm “Törek ağımı” proyektlarına qarata sankśiyälärneň ğämälgä kerüen häm Waşingtonnıň ütkärgeçlärneň salınuın başqaruçı şirkätlärdän êşçänleklären tiz arada beterüen tälap itüen açıqlağan ide.
“Tön’yaq ağım-2”neň torbaların saluçı Şveyśariyäle “Allseas” şirkäte Amerika Quşma Ştatlarınıň proyektqa qarşı sankśiya qullanuı arqasında Baltıyq diňgezendäge köymäsen qaytarğan ide.
