Bälzämle serkä mäxkämägä kiterde

Awrupa mäxkämäse İtaliyäneñ Modena cirlegendä citeşterelmägän serkälärneñ dä “bälzämle” dip atalırğa xaqı buluı turında qarar çığardı. Anda “Aseto Balsamiko di Modena” êşlänmäseneñ 2009nçı yıldan birle saqlaw astına alınğan isem buluı äytelä. Ä menä serkä yäisä bälzämle süzläre geografik urınnı añlatmawları öçen başqa êşlänmälärdä dä qullanılırğa mömkin.

Germaniyädä urnaşqan “Balema” şirkäte üze çığarğan serkälärne “bälzämle” dip atağan ide. İtaliyäneñ Modena töbägendäge serkä citeşterüçelär älege süzne qullanmawların taläp itte. Şunnan soñ “Balema” şirkäte mäxkämä prośessın başladı.