YuniKredittan 8 meñ xezmätkär çığarılaçaq

İtaliyäneñ aldınğı banklarınnan berse Yunikredit 2020nçe-2023nçe yıllarda yaqınça 8 meñ xezmätkären êştän çığaraçağın häm 500läp filialın yabaçağın belderde. Üzgäreşlär, bigräk tä, İtaliyä, Germaniyä häm Avstriyädäge büleklärgä qağıla.

Märkäze Milanda bulğan banktan yasalğan yazma belderüdä äytelgänçä, personalnıñ sanı 12%qa kimetäläçäk, filiallarnıñ 17%ı yabılaçaq.

Berläşterü yaqınça 1 milliard 400 million yevroğa töşäçäk dip farazlana.

YuniKredit uzğan atnada da Törkiyäneñ “Koç” cämğıyäte belän Yapı Kredi bankı häm “Koç” finans xezmätlärendäge öleşlären tapşıru belän aralarındağı xezmättäşlek kileşüeneñ tuqtatıluın üz êçenä aluçı dokumentlarnı imzalağan ide.