Törkiyä - Rusiyä urtaq investiṡiya fondı qorıldı

Törkiyä belän Rusiyä arasında 900 million yevro külämendäge investiṡiya fondı RTIF qorıldı.

RTIF berençe êtapta 200 million yevrolık investiṡiya kertäçäk.

Taraflar ike ildä dä texnologiya, sälamätlek saqlaw häm asqorıma kebek östenlekle tarmaqlarğa yünälep, urtaq proyektlar äzerli başladı.

Rusiyäneň Turıdan investiṡiya fondı başlığı Kiril Dmitriyev 900 million yevrolık Rusiyä-Törkiyä urtaq investiṡiya fondınıň qorıluın citkerde.

Jurnalistlarğa açıqlaw yasağan Dmitriyev tübändägeçä belderde: “Fond östendä ozaq waqıt êşlädek, bu qısada şaqtıy söyläşü ütkärelde häm nihayät’ qorıldı. Fondnıň tuplam küläme – 900 million yevro.”

Dmitriyev älege fondnıň ike taraf arasındağı investiṡiyalärneň tizlätelüe öçen bik möhim buluın äytte.

Fond qararı Törkiyä ilbaşı Räcäp Tayyip Ärdoğannıň kiçäge Rusiyägä säfärendä imzalandı.