Rusiyägä limon satu artqan

Ağımdağı yılnıñ berençe ayında Törkiyädän Rusiyägä 10 million 172 meñ 644 dollar külämendä 18 meñ 60 tonna limon satıldı.

Bu xaqta Könçığış Qara diñgez êksportçılar assośiyäśiyäse belderä.

Uzğan yıl Rusiyägä bu däwerdä 13 meñ 69 tonna limon êksportlanğan häm annan 8 million 969 meñ 50 dollar tabış alınğan.

Älege kürsätkeçlärne çağıştırğanda şul kürenä: Rusiyägä limon êksportı miq’dar cähätennän 38%qa, qıymmät cähätennän 13,4%qa artqan.

Könçığış Qara diñgezdän Rusiyägä bıyılnıñ ğıynwar ayında 3 meñ 365 tonna limon satılğan,annan kilgän kerem 1 million 879 meñ 572 dollar täşkil itkän.

Älege töbäktän başqarılğan limon êksportı uzğan yılnıñ şul uq ayı belän çağıştırğanda miq’dar yağınnan 68%qa, qıymmät bazasında 41%qa artqan.