Awrupa törek çäyen yarata

Törkiyä bıyılnıñ täwge ayında Germaniyä, Franśiyä, Niderland - barlığı 42 ilgä çäy sattı.

Könçığış Qara dingez êksportyerlar berlege mäğ’lümatlarına qarağanda, ğıynvar ayında 318 tonna çäy çitkä satılğan, annan 773 meñ dollar kerem alınğan. Bu, uzğan yılnıñ şul uq çorı belän çağıştırğanda, miqdarda 110%qa artıq, qıymmäte nisbätennän 102%qa.

Ğıynvar ayında Törkiyädän iñ küp çäyne Germaniyä satıp aldı. Alarğa 274 meñ dollarlıq tovar kitte. İsemlekne Franśiyä belän Niderland däwam itä.