Tışqı säwdä kürsätkeçläre
Ağımdağı yılnıñ noyabr’ ayı häm 11 aylıq waqıtlı tışqı säwdä kürsätkeçläre bilgele buldı
Törkiyä statistika oyışması häm säwdä ministrlığı ağımdağı yılnıñ noyabr’ ayı häm ğıynwar-noyabr’ aylarınıñ waqıtlı tışqı säwdä kürsätkeçlären açıqladı.
Älege mäğ’lümatlardan kürengänçä, Törkiyäneñ noyabr’ ayındağı êksportı uzğan yılnıñ şul uq ayı belän çağıştırğanda 9,4%qa artıp 15 milliard 529 million dollar, importı isä 21,3%qa kimep 16 milliard 180 million dollar täşkil itte.
Tışqı säwdä defiśitı noyabr’ ayında uzğan yılnıñ noyabr’ ayına kürä 89,8%qa kimede häm 651 million dollar buldı.
Törkiyäneñ 11 aylıq êksportı uzğan yılnıñ şul uq däwere belän çağıştırğanda 7,7%qa artıp 154 milliard 186 million dollar buldı ,import isä 2%qa kimep 206 milliard 505 million dollar bularaq terkälde.
Bu çorda tışqı säwdä defiśitı 22,6%qa kimede häm 52 milliard 319 million dollar buldı.