AQŞlılar zur şähärlärdän kitä

Amerikalılar zur şähärlärne taşlap kitä. Çikağo, N’yu-York häm Los-Anjelesta xalıq sanı azayğan. Statistika mäğ’lümatlarına qarağanda, älege kimü êçke häm tışqı migraśiyä belän bäyle.

Çikağonı 2014nçe yılda 105 meñnän artıq keşe taşlap kitsä, 2017nçe yılda isä andıylar 156 meñgä yaqın.

N’yu - York 2014nçe yılda 44 meñ tiräse keşesen “yuğaltsa”, 2017nçe yılda annan 131 meñ 500 keşe küçengän.

Los-Anjelesqa kilgändä, ul 2014nçe yılda 12 meñnän artıq keşene üzenä sıyındırğan, ä menä 2017nçe yılda “färeştälär şähäre”n 127 meñ 600 keşe taşlap kitkän.  

Küçenüçelärneñ kübese yıllıq kereme 30 meñ belän 60 meñ dollar arasında bulğan urta sıynıf watandaşlar. Kitüneñ säbäpläre isä tormış qıymmätlelege, zur salımnar häm xezmät xaqları artuda çikläwlär bulu.