Yämängä Törkiyädän yärdämnär
Törek xezmättäşlek häm koordinaśiya agentlığı 2012-2018 nçe yıllarda Yämändä 93 proyektnı tormışqa aşırdı
4 yıl buyı watandaşlar suğışı däwam itüçe häm qıtlıq xökem sörüçe Yämängä Törkiyäneñ yärdämnäre däwam itä.
Törek xezmättäşlek häm koordinaśiya agentlığı (TİKA) 2012-2018 nçe yıllarda Yämändä belem birü, sälamätlek saqlaw ,awıl xucalığı häm asqorma tarmaqlarında 93 proyektnı tormışqa aşırdı.
Agentlıq 2013 nçe yılda Sana, Aden,Taiz häm Xüdäydä qalalarında 4 dializ üzäge açtı.
Aden häm Taizdä 2 qır xastaxänäse tözede.
İlneñ administraiv sistemasın nığıtu maqsatı belän Yämänneñ 200 gä yaqın däwlät xezmätkärenä Törkiyädä kurslar ütkärelde.
Adendağı mediśina institutın da TİKA cihazlandırdı.
Agentlıq 250 keşe sıydırışlı 1 tulay toraqnı tözekländerde, 500 keşelek 2 tulay toraqnı cihazlar belän täêmin itte.
İldä yoğışlı awırularğa qarşı köräş häm Adennı tağın da çista totu maqsatı belän suğştan qalğan tügente häm çüplär cıyıştırıldı.
Meñnärçä ğailägä azıq-tölek taratıldı.